Saturday, 19 May 2018

शिवाजी विद्यापीठाच्या रोजगार महामेळाव्यात साडेपाच हजारांहून अधिक उमेदवारांना रोजगार


कोल्हापूर, दि. १९ मे: शिवाजी विद्यापीठाचे कौशल्य व उद्योजकता विकास केंद्र आणि मध्यवर्ती रोजगार कक्ष यांच्या संयुक्त विद्यमाने आयोजित करण्यात आलेल्या रोजगार व कौशल्य महामेळाव्यात आज दिवसभरात एकूण १७ हजार २६९ उमेदवारांच्या मुलाखती घेण्यात आल्या. त्यामधून ३९३६ उमेदवारांना विविध कंपन्यांनी पुढील फेरीसाठी निवडले (शॉर्टलिस्ट) आहे, तर १६९८ उमेदवारांना ऑफर लेटर अगर नियुक्तीपत्र प्रदान केले आहे. ही माहिती समन्वयक डॉ. ए.एम. गुरव यांनी दिली.
विद्यापीठात सुमारे १२२ कंपन्यांनी विविध ९,५३९ पदांसाठी उमेदवारांच्या मुलाखती घेतल्या. एकूण २३ हजार ७३९ उमेदवारांनी या मेळाव्यासाठी नोंदणी केली होती. त्यांच्यापैकी १७ हजार २६९ उमेदवारांच्या मुलाखती होऊन त्यातून या निवडी करण्यात आल्या आहेत. लोककला केंद्रात ६५०० उमेदवारांना मोफत कौशल्य प्रशिक्षणही प्रदान करण्यात आले.
हा मेळावा यशस्वी करण्यासाठी विद्यापीठाच्या कौशल्य व उद्योजकता विकास केंद्राचे समन्वयक डॉ. ए.एम. गुरव, मध्यवर्ती रोजगार कक्षाचे डॉ. गजानन राशिनकर, महाराष्ट्र शासनाच्या विद्यापीठ कौशल्य विकास, रोजगार व उद्योजकता माहिती व मार्गदर्शन केंद्राचे सहायक संचालक विजय माळी, अशोक खेडेकर, सांगलीच्या कौशल्य विकास केंद्राचे सहायक संचालक एस.के. माळी, सातारा केंद्राचे सचिन जाधव, ऑपॉर्च्युनिटी टेक्निकल इन्स्टिट्यूटचे अमर संकपाळ, सोलमॅन आयटी सर्व्हिसेसचे विजय कुमार व राजेंद्र मुधाळे यांच्यासह विद्यापीठातील विविध अधिविभागांचे प्रमुख, प्रशासकीय अधिकारी आणि सेवक यांनी परिश्रम घेतले.

शिवाजी विद्यापीठाच्या रोजगार महामेळाव्यास महाप्रतिसाद

साडेनऊ हजार रोजगार संधींसाठी २३ हजार उमेदवारांची उपस्थिती


शिवाजी विद्यापीठात आयोजित रोजगार व कौशल्य महामेळाव्याचे उद्घाटन करताना कुलगुरू डॉ. देवानंद शिंदे. सोबत प्र-कुलगुरू डॉ. डी.टी. शिर्के, शैक्षणिक सल्लागार डॉ. डी.आर. मोरे, डॉ. ए.एम. गुरव, डॉ. आर.व्ही. गुरव आदी.
शिवाजी विद्यापीठात आयोजित रोजगार व कौशल्य महामेळाव्याच्या उद्घाटन प्रसंगी कुलगुरू डॉ. देवानंद शिंदे यांच्यासमवेत प्र-कुलगुरू डॉ. डी.टी. शिर्के, कुलसचिव डॉ. विलास नांदवडेकर, परीक्षा व मूल्यमापन मंडळाचे संचालक महेश काकडे, शैक्षणिक सल्लागार डॉ. डी.आर. मोरे, डॉ. ए.एम. गुरव, डॉ. आर.व्ही. गुरव, अधिष्ठाता डॉ. पी.डी. राऊत, डॉ. पी.एस. पाटील आदी.
शिवाजी विद्यापीठात आयोजित रोजगार व कौशल्य महामेळाव्यास उपस्थित असणाऱ्या उमेदवारांशी संवाद साधताना कुलगुरू डॉ. देवानंद शिंदे. सोबत प्र-कुलगुरू डॉ. डी.टी. शिर्के, कुलसचिव डॉ. विलास नांदवडेकर आदी.


शिवाजी विद्यापीठात आयोजित रोजगार व कौशल्य महामेळाव्यास उपस्थित उमेदवार नावनोंदणीचा अर्ज काळजीपूर्वक भरत असताना.

शिवाजी विद्यापीठात आयोजित रोजगार व कौशल्य महामेळाव्यास उपस्थित उमेदवार नावनोंदणीचा अर्ज काळजीपूर्वक भरत असताना.

शिवाजी विद्यापीठात आयोजित रोजगार व कौशल्य महामेळाव्यास उपस्थित उमेदवार नावनोंदणीचा अर्ज काळजीपूर्वक भरत असताना.

शिवाजी विद्यापीठात आयोजित रोजगार व कौशल्य महामेळाव्यात स्पॉट रजिस्ट्रेशन करीत असलेले उमेदवार.

शिवाजी विद्यापीठात आयोजित रोजगार व कौशल्य महामेळाव्यात मुलाखतीच्या ठिकाणाची माहिती देणारे फलक विद्यापीठाने परिसरात ठिकठिकाणी लावले होते.
शिवाजी विद्यापीठात आयोजित रोजगार व कौशल्य महामेळाव्यात मुलाखतीच्या ठिकाणी उमेदवारांच्या अशा रांगा लागलेल्या होत्या.
शिवाजी विद्यापीठात आयोजित रोजगार व कौशल्य महामेळाव्यात काही रोजगार प्रदात्यांनी उमेदवारांच्या ऑनलाइन परीक्षा घेतल्या.


शिवाजी विद्यापीठात आयोजित रोजगार व कौशल्य महामेळाव्यात उमेदवारांच्या मुलाखती घेताना विविध कंपन्यांचे एच.आर. मॅनेजर.

शिवाजी विद्यापीठात आयोजित रोजगार व कौशल्य महामेळाव्यात उमेदवारांच्या मुलाखती घेताना विविध कंपन्यांचे एच.आर. मॅनेजर.

कोल्हापूर, दि. १९ मे: शिवाजी विद्यापीठाचे कौशल्य व उद्योजकता विकास केंद्र आणि मध्यवर्ती रोजगार कक्ष  व महाराष्ट्र शासनाचा विद्यापीठ कौशल्य विकास, रोजगार व उद्योजकता माहिती व मार्गदर्शन केंद्र यांच्या संयुक्त विद्यमाने आयोजित करण्यात आलेल्या रोजगार व कौशल्य महामेळाव्यास रोजगार प्रदाते, कौशल्य प्रदाते आणि इच्छुक उमेदवारांचा अभूतपूर्व प्रतिसाद लाभला. साडेनऊ हजारांहून अधिक रोजगार संधींसाठी सुमारे २३ हजार उमेदवारांनी विद्यापीठाच्या परिसरात उपस्थिती दर्शविली.
आज सकाळी कुलगुरू डॉ. देवानंद शिंदे यांच्या हस्ते रोजगार व कौशल्य महामेळाव्याचे फीत कापून उद्घाटन करण्यात आले. यावेळी प्र-कुलगुरू डॉ. डी.टी. शिर्के, कुलसचिव डॉ. विलास नांदवडेकर, परीक्षा व मूल्यमापन मंडळाचे संचालक महेश काकडे, शैक्षणिक सल्लागार डॉ. डी.आर. मोरे, विद्यार्थी विकास मंडळाचे संचालक डॉ. आर.व्ही. गुरव, विद्यापीठाच्या कौशल्य व उद्योजकता विकास केंद्राचे समन्वयक व अधिष्ठाता डॉ. ए.एम. गुरव, अधिष्ठाता डॉ. पी.डी. राऊत, डॉ. पी.एस. पाटील, डॉ. भारती पाटील, मध्यवर्ती रोजगार कक्षाचे समन्वयक डॉ. गजानन राशिनकर यांच्यासह अधिसभा, व्यवस्थापन परिषद व विद्या परिषदेचे सन्माननीय सदस्य उपस्थित होते.
उद्घाटनानंतर कुलगुरू डॉ. शिंदे यांनी लोककला केंद्रातील विविध कौशल्य प्रदान स्टॉल्सची फिरुन पाहणी केली. यावेळी नोंदणीसाठी उपस्थित असलेल्या विद्यार्थी-विद्यार्थिनींशीही त्यांनी संवाद साधला. यानंतर मुलाखतीची व्यवस्था करण्यात आलेल्या विविध अधिविभागांना कुलगुरू डॉ. शिंदे व प्र-कुलगुरू डॉ. शिर्के यांनी भेट देऊन त्या ठिकाणी करण्यात आलेल्या व्यवस्थेची पाहणी केली. रोजगार प्रदात्या कंपन्यांच्या प्रतिनिधींचे स्वागत केले.
विद्यापीठात आज माहिती तंत्रज्ञान, बी.पी.ओ., सेवा क्षेत्र, एच.आर., विपणन, विक्री, बँकिंग, फायनान्स विमा, अन्य वित्तीय संस्था, वस्त्रोद्योग, टेलिकॉम, अभियांत्रिकी आदींसह रिक्रुटिंगच्या क्षेत्रांत काम करणाऱ्या सुमारे १२२ कंपन्यांनी विविध ९,५३९ पदांसाठी उमेदवारांच्या मुलाखती घेतल्या. काही कंपन्यांनी लेखी तसेच ऑनलाईन परीक्षाही घेतल्या. या पदांसाठी यापूर्वीच दहा हजारांहून अधिक उमेदवारांनी ऑनलाइन व ऑफलाईन स्वरुपात नावनोंदणी केलेली होती. आज सकाळपासूनच विद्यापीठाच्या लोककला केंद्रात स्पॉट नोंदणीसाठी उमेदवारांच्या रांगा लागल्या होत्या. त्यासाठी विद्यापीठ प्रशासनाने सुमारे ५० नोंदणी कक्ष सुरू केले होते. त्यामुळे उमेदवारांना नोंदणी करणे सोयीचे झाले. या मेळाव्यासाठी त्यामुळे एकूण २३ हजार ७६९ उमेदवारांनी नोंदणी केली. आधी नोंदणी केलेल्या उमेदवारांना विविध कंपन्या व त्यांच्या मुलाखत कक्षाची माहिती पत्रकाद्वारे तसेच ठिकठिकाणी माहिती फलकांद्वारे उपलब्ध करून दिल्यामुळे त्यांना थेट मुलाखतीच्या ठिकाणी जाता आले. रसायनशास्त्र, भौतिकशास्त्र, इलेक्ट्रॉनिक्स, वनस्पतीशास्त्र, भूगोल, मानव्यविद्या इमारत, वि.स. खांडेकर भाषा भवन, गणित आणि तंत्रज्ञान अशा नऊ विविध अधिविभागांमध्ये विविध कंपन्यांसाठी क्षेत्रनिहाय मुलाखतींची व्यवस्था करण्यात आल्यामुळे एकाच ठिकाणी गर्दी न होता रोजगार मेळाव्याची प्रक्रिया सुरळीतपणे पार पडली. त्याचप्रमाणे लोककला केंद्रात तीस विविध संस्थांनी स्टॉल्स उभारुन त्या ठिकाणी विविध ५० कौशल्ये सुमारे ६५०० उमेदवारांना मोफत प्रदान केली.
दरम्यान, विद्यापीठाचा सुरक्षा विभाग तसेच कोल्हापूर जिल्हा पोलीस प्रशासनाने चोख बंदोबस्त ठेवल्यामुळे तसेच पार्किंगची स्वतंत्र व्यवस्था केल्यामुळे वाहतूक समस्या उद्भवली नाही. अग्नीशमन बंब व प्राथमिक आरोग्य सुविधांनी सुसज्ज अँब्युलन्स वाहन यांचीही स्थानिक प्रशासनाच्या वतीने व्यवस्था करण्यात आली. विद्यापीठाने उमेदवारांना पिण्याच्या पाण्याची ठिकठिकाणी व्यवस्था केली होती. उपस्थित उमेदवारांनीही स्वयंशिस्तीचे दर्शन घडवून अत्यंत शांततेने व शिस्तबद्ध पद्धतीने मुलाखती दिल्या.

Friday, 18 May 2018

जिऑइन्फॉर्मेटिक्सच्या वीस विद्यार्थ्यांना आंतरराष्ट्रीय कंपन्यांत संधी


शिवाजी विद्यापीठाच्या भूगोल अधिविभागातील जिऑइन्फॉर्मेटिक्स अभ्यासक्रमाच्या आंतरराष्ट्रीय कंपन्यांत निवड झालेल्या विद्यार्थ्यांनी कुलगुरू डॉ. देवानंद शिंदे यांची सदिच्छा भेट घेतली. त्या प्रसंगी प्र-कुलगुरू डॉ. डी.टी. शिर्के, डॉ.एच.एन. मोरे, डॉ. एस.एस. पन्हाळकर आदी.


सातत्याने शंभर टक्के प्लेसमेंटची भूगोल अधिविभागाची कामगिरी

कोल्हापूर, दि. १८ मे: शिवाजी विदयापीठाच्या भूगोल अधिविभागातील जिओइन्फॉर्मेटिक्स या पदव्युत्तर पदविका अभ्यासक्रमाच्या वीस विदयार्थ्यांची जेनेसिस आणि आय.एल. अँड एफ.एस. एन्व्हायर्नमेंट या आंतरराष्ट्री कंपन्यांतर्फे नुकतीच निवड करण्यात आली. ही माहिती भूगोल अधिविभागाचे प्रमुख डॉ. एस.एस. पन्हाळकर यांनी दिली.
डॉ. पन्हाळकर यांनी दिलेल्या माहितीनुसार, भूगोल अधिविभागा पी.जी. डिप्लोमा इन जिओइन्फॉर्मेटिक्स् (भौगोलिक माहिती प्रणाली) हा अभ्यासक्रम सन २००८ पासून चालविला जात आहे. या अभ्यासक्रमामध्ये डिजीटल इमेज प्रोसेसिंग, जिओग्राफिकल इन्फॉर्मेशन सिस्टीम, रिमोट सेन्सिंग अँड सर्व्हेईं त्यादी महत्त्वाचे विषय शिकविण्यात येतात. सदर अभ्यासक्रम हा अत्याधुनिक उपकरणे अद्यावत सॉफ्टवेअर्सच्या सहाय्याने शिकविण्यात येतो. भौगोलिक माहिती प्रणालीचा अभ्यासक्रम पूर्णतः संगणक प्रणालीवर आधारित असून पर्यावरणाचा अचूक वेध घेण्यासाठी तो महत्वपूर्ण ठरतो. या तंत्रज्ञानामार्फत नैसर्गिक आपत्ती व्यवस्थापन, भू-मापन, जलव्यवस्थापन, रस्ते बांधणी, वाहतूक व्यवस्थापन, नागरीकरण, पूरनियोजन, प्रॉपर्टी टॅक्स कलेक्शन इत्यादी गोष्टीचा अचूक अभ्यास व नियोजन करता येते. इतकेच नव्हे; तर, कोल्हापूरसा़रख्या शहरात देखील या प्रणालीचा उपयोग प्रॉपर्टी टॅक्स कलेक्शन, जमिनीचे सर्वक्षण अणि काळम्मावाडी धरणापासूनच्या पाईपलाईनचे सर्वक्षण आदींसाठी केला गेलेला आहे.
भूमापन, भू-सर्वेक्षण, हवामान सर्वेक्षण इत्यादी क्षेत्रांत अत्यंत प्रभावी भूमिका बजावत असणाऱ्या जिओइन्फॉर्मेटिक्स या आधुनिक अभ्यासक्रमाच्या विद्यार्थ्यांना अलीकडच्या काळात मोठ्या प्रमाणात मागणी वाढत आहे. त्यामुळे गेल्या काही वर्षांत या अभ्यासक्रमाला प्रवेश घेतलेल्या विद्यार्थ्यांना शंभर टक्के रोजगार संधी उपलब्ध होते आहे. यंदाही अधिविभागातील वीस विद्यार्थ्यांची निवड जेनेसिस (मुंबई) आणि  आय.एल. अँड एफ.एस. एन्व्हायर्नमेंट (मुंब) या आंतरराष्ट्री कंपन्यामध्ये झालेली आहे.
निवड झालेल्या विद्यार्थ्यांची नावे अशी: क्षय बाळासाहेब शिंदे, उत्तम भीमराव गोरे, सपना सुनिल भाराडे, सुविज्ञा सुनिल पाटील, रामेश्वर उत्तरेश्वर धनावे, संजोत शिवाजी चोरगे, शितोष पांडुरंग मगदूम, साबिहा मेहबुब बागवान, सिद्धेश्वर दशरथ घुगे, सागर शरद खता, साग अशोक कोरवी, ओंकार रामदास परब, विजय आप्पासाहेब पाटील, युवराज अशोक पाटील, शनिश्वर दत्तात्रेय बनसोडे, यूर राजाराम गडकर, स्नेहल कृष्णा औंधकर, सचिन नंदा मोहिते, अक्षय रामचंद्र सोवंडे, चारूशिला संजीव देसाई. या विद्यार्थ्यांना अधिविभाग प्रमुख डॉ. एस.एस. पन्हाळकर, प्रा. अभिजित पाटील, डॉ. पी.टी पाटील प्रा. व्ही.ए. चौगुले यांचे मार्गदर्शन लाभले.

मिळालेल्या संधीचे सोने करा: कुलगुरू डॉ. देवानंद शिंदे
जिऑइन्फॉर्मेटिक्सच्या या यशस्वी विद्यार्थ्यांसमवेत विभागातील शिक्षकांनी कुलगुरू डॉ.देवानंद शिंदे, प्र-कुलगुरू डॉ.डी.टी. शिर्के यांची भेट घेतली. यावेळी उपकुलसचिव डॉ. जी.एस. कुलर्णी उपस्थित होते. निवड झालेल्या विद्यार्थ्यांचे अभिनंदन करताना कुलगुरू डॉ. देवानंद शिंदे म्हणाले, जिऑइन्फॉर्मेटिक्स हा अत्यंत आधुनिक अभ्यासक्रम असून या क्षेत्रामध्ये अनेक नव्या प्रकारच्या रोजगार संधी निर्माण होत आहेत. अभ्यासक्रमाच्या विद्यार्थ्यांना सातत्याने शंभर टक्के प्लेसमेंट मिळत आहे, यावरुन त्याचे महत्त्व अधोरेखित होते. सदर विद्यार्थ्यांनी आपल्याला मिळालेल्या संधीचे सोने करावे, त्याचबरोबर संबंधित कॉर्पोरेट कंपनीमध्ये उपलब्ध असलेल्या या क्षेत्रातील अद्यावत तंत्रज्ञान, सॉफ्टवेअर यांचाही अभ्यास करावा आणि आपले करिअर उत्तम प्रकारे घडवावे आणि शिवाजी विद्यापीठाचा लौकिक उंचवावा, असे आवाहनही केले.

जी.आय.एस. क्षेत्रातील अग्रगण्य कंपन्या
जेनेसिस इंटरनॅशनल ही भारतातील जी.आय.एस. क्षेत्रातील कंपन्यांत अग्रगण्य आहे. या कंपनीचे काम भारता मुंबई आणि हैद्राबाद या दोन ठिकाणाहून चालते. ही कंपनी प्रामुख्याने अत्याधुनिक मॅपिं सर्वेक्षण, लायडर तंत्रज्ञान आणि जिओस्पॅशिअस सर्व्हिसेस या क्षेत्रात काम करते. आय.एल. अँड एफ.एस. एन्व्हायर्नमेंट ही कॅडॅस्ट्रल मॅपिंग, वेस्ट मॅनेजमेंट, जिओस्पॅशिअल सोल्युशन या क्षेत्रात काम करते.